ـ
قالوا الوطن أرض وفلوس
قلت الوطن جوه النفوس
قالوا الوطن مادي ملموس
قلت الوطن في القلب محسوس
قالوا الوطن فاسد ومهووس
قلت الوطن سرقوا اللصوص
قلت عاش الوطن
وعلى راي مطر " احنا الوطن "
الوطن من غيرنا تراب وناموس
احنا الوطن ياولاد التيوس
كفاية نهب وسرقة
دا انتوا غلبتوا حتى المجوس
والوطن عمال بيصرخ
وصوته جوه منه محبوس
مش لاقى باب ضي
ينور ظلمته
ويخرجه من الكابوس
يا خلق كفاية حرام
حلال دا ولا حرام
سرقة ونهب
ابتكروا فنون اجرام
ويسموه الوطن
طب تانى عاش الوطن
طب ما احنا الوطن
يوووووه يا عم هما الوطن
هما ملاكه وحراسه واسياده
واحنا شكواه وبلواه وحساده
هما عملوا دور الصنم
ومستنين نبقى عباده
بقى دا يبقى اسمه وطن ؟!
وطن مين يابن العبيطة
يلا اركن جنب الحيطة
وبرده هتسمع نفس الزيطة
عاش الوطن
عاش الوطن
يا وطني اما كفاك ؟
كم من ابناءك استجار بك
كم من ابناءك منهم شكاك
يا وطني بت اخجل ان ارى
في عيني طفل ما زال يحبوا
عنوان مستقبل يعنى الهلاك
اعلم ان الشياطين للارض
ولم يكتب الله لها من ملاك
ولكنى اخاطب الانسان عقله
اما كتب الله لك الحياة ؟!
اما اصطفاك ؟ّ!
فبسم الله خالق الحياة والموت
إما حياتي بينهم كريمة
او ذلهم ومن بعده موتي
ـــــــــــــــــــــــــــــــــ
25-2-2016
2:21 مساءا
ليست هناك تعليقات:
إرسال تعليق