حلم
لو ممكن تسقينى كرامه
غدينى عزه وشموخ
ابعدنى عن عار الذل
سمعنى شدو الاحرار
يمكن بكره يصحيك صوتى
قبل ما صاحبى يبكيه موتى
ويتألم على مر فراقى
طعمنى من مصل النخوه
يمكن لو طعمتنى اقوى
واتبرأ من اى قساوه
علمنى الاخلاق بنقاوه
قوينى اكون ضد الباطل
وأموت لو علشان الحق
رافض اغنى ف ليله لظالم
بأرفض انى اعيش طبال
حلمى الرحله متبقاش صعبه
بأحلم انى اعيش ف حماك
ونكسر كل الاصنام
حلمى وحلمك صبحوا كابوس
لما لقينا الناس بتدوس
على اخلاقها وعلى مبادئها
لكن لسة الحلم بيقوى
طول م انا شايفك
واقف جنبى
بتصحينى
وبتفوقنى
لما اغيب
عارف إنك مزروع جوايا
م انت ضميرى
وبرفض موتك
خليك صاحى لحد ما اموت
منصور عبد المقصود
ليست هناك تعليقات:
إرسال تعليق