*******( أنا الراوي)****** بقلم / حسين ابراهيم

*******( أنا الراوي)******

بقلم / حسين ابراهيم

من زمان...

وانا عايش الغربة والترحال..

غربتي جوايا عن نفسي..

وترحالي مع موال..

انغامه صوت يأسي..

لفيت بلاد وبلاد..

لحد مانبري قدمي..

زادي في ترحالي..

كراستي مع قلمي..

الملم الحواديت..

ازرعها في حلمي..

مشيت ومشيت..

لما نزلت العتمة..

خرجت الكوابيس..

تكسر الاقلام...وتقطع الكراريس...

العتمه مش عارفه..

ان صباعي دا قلمي..

وجلدي كراستي..

وحبري من دمي..

ماشي..

حملي هموم الناس

واوجاعهم..

العتمة سارقه..

منهم احلامهم..

دورت في الحواديت..

عن حاجه تسعدهم..

غربت تاني وجيت..

لقيتهم لسه في مطارحهم...

يسألوني سؤال..

اجابته مش عندي..

مين اللي قتل حسن..

حسن عاشق الغنوة والموال..

ماعرفش ايه انكتب..

في دفتر الاحوال..

بعيون نعيمه اتقتل..

والا بعيار من مجهول...

في عيون نعيمه البكا....

بكاها حاش الصوت...

ازاي نعيمة....تقول....

$$$$$$$