ما زهقتش من عينيكى
..................
ما زهقتش من عينيكى
ليه بس بتزهقى؟
و غنايا كله ليكى
و انتى الحلم الشقى!!
و انا سايب روحى فيكى
ليه بس بتطلعي؟
و بدور مش لاقيكى
و العمر بتسبقى! !
............
معذور الشوق معايا
من قبلك ما اعرفوش
و لا غيرك كأن هوايا
ولا شفتك ف الوشوش
دنا اول مره عاشق
و بعيش إحساس جديد
و بلم الشوق و اسابق
لكن مالحقتهوش!!
ما زهقتش من عينيكى
علشان ما يزهقوش! !!!
.............
رخصت حروف غرامي
من كتر ما عيدتها
و عشان انتى ف كلامى
ما زهقتش منها!
دنا لسه جديد ف حبي
و الإحساس مختلف
مش قادر يوم اخبي
ف حاجات مرتاح لها!
و لا بشبع من عينيكى
و لا عايش بعدها!
.........
عاطف عبد الحميد
ليست هناك تعليقات:
إرسال تعليق