......... وفين إنت ...........
وفين ممكن تكون إنت
ياشاغل عقلى إسمعلى
وحس بنبض إحساسى
بقالى كتير بنادى عليك
ومن غيرك أنا لإمتى
هاعيش والحال حبيب قلبى
وحيد الفكر متحير
معذبنى حنينى إليك
واقول بحتاج قوى وجودك
يا بحر الحب فين جودك
دا فيا الشوق مالوش أخر
بفرح العمر مستنيك
ف فين ممكن تكون إنت
يا أطيب قلب يا إنت
حبيبى بس لو أعرف
جنابك مين وفين أراضيك
يا أُنس الروح ياليا طبيب
لعِلم عنيك أعز نصيب
بأملى قمرى بتصبْر
وأقول جى يوم أكون أنا ليك
باعشم نفسى بالفكرة
واقول هالقاك أكيد بكرا
وبكرا يجُر كام بكرا
ولسه حبيبى مش بلاقيك
ف فين ممكن تكون إنت
# كرم شحات #
ليست هناك تعليقات:
إرسال تعليق