تبارك الله احسن الخالقين
********************
وكيف هعتب على قلمى ؟
وكيف يوصف برائتــــها؟
وشهدالدنيا دى بحــــالها
بيعشق طعم ضحكــــتها
اناهسجد لمن ابـــــــــدع
جمال قتّال ف صورتها
وهكتب م (الفلق) ايــــة
واعلقها ف رقبتــــــــها
واقول للخلق اقروهــــا
عشان العين ونظرتــها
ولو تنزل ف يوم شارع
هقول للناس ف سكتها
محدش ف الوجود يقدر
يقاوم سحر بسمتـــــها
بريئة بس بتحـــــرِّك
جمود الارض خطوتها
حقيقى الطفلة دى سابت
ف قلب القلب بصمتها
يارب القدرة احفظــها
لأب وام جابتــــــــــها
دانا من حسنها بحلم
اشاركها فى لعبتــها
واخر الليل أغطيــها
وصدرى يكون مخدتها
*******************
ياسر التونى
ليست هناك تعليقات:
إرسال تعليق