( حرف – وفكره ) بقلم / الطيب عوض احمد
خايفه الحروف
وسط زحمة الكلمات
رابحه مرجعاشى
أبداء منين وأنهى أزاى
أكيد مفرقاشى
بس المهم
أدوس على الحرف
يخرج كما السهم
يضرب جدار القلب
يصيبه فى الإحساس
من مرارة الكلمه
جرحه ما يشفاشى
وأنا لما قلت اكتب
كان القلم خايف
مر الحروف يكسره
سابني وقام ماشى
عارفك يا قلمي فصيح
بتحس معنى الحرف
تنزل دموعك على الورق
لاكن ورقى غشيم
بالألم والجرح
جاهل ميدراشى
أبيض كأنه كفن
بيحتوى الكلمات
أصل الكلام مجنون
ولجل يضمن شره
ساببه هنا مسجون
قافل عليه
معذور
عن معنى الحرف والفكره
أكيد ميوعاشى
ميعرفش ان موت الحرف والفكره
نهاية الإبداع
لأن حرف بلا فكره
حتما ما يسواشى
بقلم / الطيب عوض احمد
كتبت فى 17/3/2014
ليست هناك تعليقات:
إرسال تعليق