يا موج البحر ما تقوله
على عنوانى و دله
ده نفسى اشوفه
ويجيلى
ويغنيلى مواويله
اسمعها بنبض احساسى
ويرددها قلبى انا بقوة
واقولها انا بصوت عالى
الدنيا معاك بتحلالى
ده ساكن روحي وانفاسى
يا موج البحر بلاش تقسى
على عشاق الهوا الغالى
رسمنا على الشط قلوبنا
بنينا قلعة وسكنا
ولعبنا وجرينا
وحاكينا امانينا
وسهرنا معاك ليالينا
و شهدت على وعودنا لبعضنا
يا موج البحر رسينا على مينا
وريحنا
مش انت والدنيا علينا
أمانة عليك يا موج البحر
توصله اشواقى
وتهديله ورود الكون
ونجمة واقفة على بابى
ولما تجيبه وتجيلى
تلاقينى بتوب الفرح بستنى
وحاضنة فرحتى بأيدي
خلاص هعيش وهتهنى
مع حبيبي ونور عينى
ده قربه منى ده جنة الأرض
فى ايه اكتر من كده أتمنى
بقلم.. صباح ضاحي
ليست هناك تعليقات:
إرسال تعليق