قصيدة
------
غلطان يا بويا
-------------------
للشاعر / محمد عبد الفضيل
----------------------------
غلطان يا ابويا
عشان علمتني
أقول الصح ....
أمشي صح
أصلي صح
أزكي صح
أصوم .. وأقوم
لحد الصبح ..
وبتصبح
بقرش قليل
وهم كتير
لا بشتم حد
ولا بردح ....
ولو ضاق عليا الحال
وولي المال
بمشي ف حالي
صح الصح
ما قولشي بــــــح ..
ودمي رخيص
مالوش قيمه
ماساوي بهيمه
ف المدبح ..
وولدي بليد
ومخه مصدي
ف التعليم
بمخ بهيم
اقوله ياولدي
ما تذاكر
يقولي يابوي
وليه انجح ...
وفجأه قعدت وسط رجال
وقالوا كلام
ما عمره إتقال
كلام أهوال
بذيء الحال
وغيبته نازله
رخ ف رخ .
.دي ساعة الحق
وسط الليل
ظلامها كحيل
وولي ورح ..
وناس بتغني بالمواويل
تقولها الاهــه مسموعه
ومكلومه .. وموجوعه
ف ودن عليل
وسح .. ودح ..
ولما جابوني ف الأغلال
شافوني .. عابوني
قالوا يا أخ
ف حد برضه
ف زمانا
يقول الصح ...
--------------------------------------------
ليست هناك تعليقات:
إرسال تعليق