(((((( محاربة الفساد)))))))
ابويا قال لى لو انت عاوز
ف يوم تحارب الفساد
لازم تكون واد شجاع
فى المواجهه كن جريء
كن صريح بس لازم
تخلى بالك م الخداع
خلى بالك الفساد شيء
ضعيف والصعيف مايخفش
ديمن غير م الشجاع
باختصار لازم تكون
من فصيلة السباع
والشجاع له فنون
ممكن يكون محتاج قناع
والقناع مش وشوش
لاجل ما تدارى الحقيقه
مش رتوش والاصل ضاع
لأه يابنى القناع ممكن يكون
سلاح ضرورى لاجل
ماتكشف اللى خان واللى باع
واللى خلا شمس الوطن
مسافره ديمن للغروب
واللى خلا الحزن ساكن
تملى ديمن فى القلوب
واللى نهب خير البلد
واللى ساب البطون جياع
واللى خرب العقول
واللى خلا الرشاوى
شيء اساسى للفضول
واللى خلا الشباب
يهجروا حضن الوطن
واللى عيش الوطن فى الصراع
واللى جالب المخدر ولا
همهوش خراب النفوس
اهم حاجه يملى جيبه بالفلوس
ان شالله حتى الكل عايش ف الضياع
باختصار عشان تحارب الفساد
لازم تكون تملى يابنى
واد شجاع من فصيلة السباع
شعر العاميه
الشاعر جمال القياس
ليست هناك تعليقات:
إرسال تعليق