(من خان ..ومن غدر

(من خان ..ومن غدر) بالمركز(الثاني فصحي)
★★★خانتني الدلوعة★★★
أشتريتك وبعت كل الدنيا
وعشانك هجرت أهلي وناسي
وفضلت أمني نفسي بحبك
وأتخيل دلع حضنك الدافي
وركبتك فوق دهري
ودلدلتي رجليكي علي كتافي
وعضيتي وخنقتي في رقيتي
وحطيتي جزمتك علي راسي
وصرفت عليكي كل مالي
وبعت هدومي ومشيت حافي
ووهبتك حياتي وعمري
وشاركتك حتي أنفاسي
وسبتيني ولا حسيتي بيه
وتجاهلتي حتي أحساسي
وتضحكي وأنا أصرخ وأتألم
أترنح كما خيال ع الأرض ماشي
وضاقت بي الدنيا
وخنقتني أنفاسي
.......
بلوتي عشقت الدلوعة
عملتني مكنسة ومساحة
عنديها الخيانة مشروعة
تقولها بكل بجاحة
حاجة عادي وموش ممنوعة
تقولها بكل صراحة
مبسوطة وموش موجوعة
وأنا عاملها مناحة
لا هي شاكرة ولا قنوعة
بحبها دايرة سواحة
فاتحة خشمها كما بلوعة
عاوزة عيشة مرتاحة
********/**********/*************
عبدالسيد عبدالفتاح