غياب الليل
ءءءءءءءء
خلاص كده كفايه
مالنهارده بقول نهايه
إنسىِ كل حاجه معايا
بس عاوزك لما تفتكرينى
تعرفى انى ماشى سعيد
لا دموع ولا سهر ولا تفكير
انا هرمى كل شئ بعيد
كل يوم عملالى حكايه
كدب وغش فى روايه
شفتك بعينى المره دى
وسمعت كلام مش عادى
فى ايه تانى تقوليه
معدش فيها سماح
ولا بكى ونواح
الرجوع مبقاش فى يَدّىِ
ولا حضن دافى هَيْهَدّىِ
روحى إسألى قلبى
والدموع اللى كات بتجرى
روحى إسالى الشموع
ُوالقمر اللى بات مخنوق
وعندك الليالى حاوريها
غفرانك بقى فى ايديها
كل دول شهود
ولا اقولك بس خلاص
اللى زيك يعشق ليه
والعتاب ده خساره فيه
خدى منى بقى الاكيد
واللى بعده مفيش جديد
لحد كده وكفايه
مالنهارده دى النهايه
ءءءءءءءءء
شعر عامى
محمد كشك
1 / 2 / 2016
ليست هناك تعليقات:
إرسال تعليق