**صورة واضحة مش مبتورة ****
****************************
موظف نايم على المكتب
والتانى بيحكيلوا حكاية
يغمض يفتح انا مش فاهم
ايه الكلام ايه السهرية
والناس واقفه طابور
وست كبيرة تحت السور
تستنى الدور داير ميدور
ومحدش شايف الصورة
ونفوس الناس مكسورة
مزحومة جو الصورة
وموظف ماسك تلفون
بيكلم واحد مأذون
شفلى عروسة مهما تكون
زهقان من الزحمة وم الكون
مستنى الرشوة عشان مديون
والناس بتفرقع بلون
,ووشوش من الغيظ مية لون
كلمنى لو بيكبون
ولا اسبوع وندق الهون
اسمع لينا سيب الفون
والا الله يكون فى العون
الفطار جاهز على المكتب
افطر ان شالله تخرب
استنى انت البيه بيفطر
والحلوة ماشية بتتمخطر
لحد امتى هتنسوا الناس
ويروح من القلب الاحساس
والفقير فيها ينداس
والغنى ايديه تتباس
والكل شارب من نفس الكاس
د\ محمدحسن 6\2\2016
ليست هناك تعليقات:
إرسال تعليق