شيلوني الهم بدري
----------------------محمودعمارالزلباني
كنت طفل وبرضو حاسس
ان فيه حاجة غريبة
اللي داخل بيتنا كابس
واللي جاي يعمل مصيبة
واللي كان سرحان وهايص
واللي فاكرها نهيبة
كنت يأسأل 100 سؤال
هو بيتنا ليه محطة
للكبير ويا العيال
شوفت ابويا بيده شنطة
نازل يوزع منها
حاجات ملفوفة بورق
حاجات ما شوفتش زيها
خايف عليها تتسرق
و في لحظة منى كله ضاع
خدوا ابويا ع اللومان
اتريه كان ماشي غلط
ضيع حياتنا من زمان
وعيشة انشف م الزلط
وامي هربت ما ادري فين
وسابوا هم الدنيا عندي
واخواتي لسه صغيرين
والدنيا راحت فيا تدي
فضلت ألف ع البيوت
الاقي لقمة تسد جوع
والحياة صابها السكوت
والعين ملينا دموع
شيلوني الهم بدري
شيبوني ولسه طفل
والحزن جوا الدم يجري
يا كل اب وكل ام
اتقوا رب العباد
خلو الضنى يا ناس اهم
وارحموا
دمع
الولاد
--------------- محمودعمارالزلبا
ليست هناك تعليقات:
إرسال تعليق