يا غربة
.................
يا غربة خدتينا
شرقتى و غربتى
كورة بتلعبى بينا
تاهت ملامحى م شكلى
نسيت فيك . مين أنا
و نسيت فرحى و مشاكلى
عارف إن أنا جييتك
بخاطرى مش مجبور
لكن صبحت عبدك
يا ساقية و فيها بدور
مغمي العيون كا التور
يا ترى إمتى ها إخف
و إقطع حبال قيدى
العمر من عمرى خف
لسه تانى هتعيدى
إمتى هشوف إهلى
و الصحبة و الجيران
إمتى روحي ترجعلى
و إرجع لنفس المكان
خايف يا غربة لموت
إه و إندفن فيك
خايف الوقت يفوت
و أنا لسه مربوط ف إيديك
فاهم و عارف كمان
إنه بمزاجي و بخاطرى
و ممكن إكون غلطان
معلش عشان خاطرى
لا الإرض دى إرضى
و لا المكان ده بلدى
دخلت برجلي ف دوامة
معرفش منها إخطي
ده أنا حتى لما بكتب
بتوه ساعات عن خطي
سامحيني و إفتكريني
ف كل صلاة يا إما
و إدعيلي و إنده لي
إني إعود تاني
خايف تكون غربة
ف الدنيا و الإخرة
........................... ف 1 / 2 / 2016
من صفحة الشاعر / شعبان مكى شاعر عامية
ليست هناك تعليقات:
إرسال تعليق