--{ بعدو الوقت بكير }---===///*0*\\\
~~~~~~~~~~~....................~~~~~~~~~~~
لما المسا بيطل والشمس بتنام
///*0*\\\===--- وبقعد لحالي هيك وبتشرد الافكار
بفتش رفوف الامس عادفتر الايام
///*0*\\\===--- باول الصفحة لقيت يوم كنا زغار
عيشة هنية كتير وزغيًرة الاحلام
///*0*\\\===--- بطابة خرق نلعب عاباب الدار
ونوقع الف وقعة والطفل مابنلام
///*0*\\\===--- تغيب الشمس ونفوت معفرين غبار
يجي لعنا ضيف ونسهر ومانام
///*0*\\\===--- ونقعد بجنب الحيط لانسمع الاخبار
نتفة كبرنا صار الهوى احلام
///*0*\\\===--- وبلش العشق يعزف عالقلب اوتار
وهاك الصبية تمر ومقصرة الكمام
///*0*\\\===--- عابرود المسا تعدي يحلالها المشوار
ويجن حرف الشعر وترقصلها الاقلام
///*0*\\\===--- والقلب بعدو زغير عالحلا بيغار
وقلا ياحلوة برمش لاتحكمي اعدام
///*0*\\\===--- وتغنج بورد الخد مفتح باذار
كبرنا الزمن فرق صار العشق اوهام
///*0*\\\===--- ليل البعد قاسي ياترى شو صار
يازمن حاجي دخيلك وقف الايام
///*0*\\\===--- القلب بعدو شب حتى انصرنا كبار
بعد الوقت بكير والهنا قدام
///*0*\\\===--- مادام انتي العشق راح كمل المشوار
راح ضل اكتب غزل للحلا مادام
///*0*\\\===--- بتغيب شمس المسا وبتطل تاني نهار
~~~~~~~~~~~~~~~~~~~~~~~~~~~~~~
الشاعر السوري المهجري ::: اليان سمعان
ليست هناك تعليقات:
إرسال تعليق