القلب الابيض
.
عارفين العمر المتزوق نغمات
عارفين الضي اللي بيخرج يبرق
بين العتمات
فاكرين الحب اللي مصمم
يتحدى الازمنة و المسافات
فاكرين الروح اللي بتقدر
تضحك و تعدي الازمات
عارفين الشعر المتعطر
و بيحضن ف سطوره الكلمات
فاكرين القلب الابيض
مات
مات فرح الدنيا و فااااااااات
ف القلب حاجات و حاجات
و لقيتني كبرت سنيــــــــن
ف ساعات
و بقيت ف الذكرى
باقوم و ابات
بقى كل العمردمووووووع
و آهات
موجوووووووووع
و بتصرخ ف ضلوعي الآنات
فين روحت و سبت القلب وحيد
و بيهرب من كل النظرات
فين لمس الايد اللي تطبطب
فين زهر الياسمين و النايات
فين فرح اللقا و انت بتضحك
و توزع ع الكل البسمات
فين قمر الليل و انت بتحكي
و مزوق طرحتي بالنجمات
فين روحي اللي فاتتني و تاهت
بتدور عنك ف المتاهات
انا بسأل و انا عارفة الاجابات
عارفة ان خلاص
القلب الابيض
مات
..
الام لولو ( نجلاء عزت )
ليست هناك تعليقات:
إرسال تعليق