((عيد اليتيم)) / بقلم الشاعر / يحيي المصرى

((مـُهداه إلى ...جميع المسلمين والمسلمات فى العالم العربى والغربى ))

((عيد اليتيم))

مين كان قال انا طالب عـِيد ...

حـَقـِّى عليكو رعايتى الكامله...

لاجل مااعيش ف حياتى سَعيد...

ضـِحكه وبسمه لكل اولادكم...

بالنسبه لى الفرح بعيــــــــــد..؟

كلمة حَق وهاقولها لكــــــــــم...

واللا الحقّ معاكوا فَريــــــــــد...

ساعه ف عيدى وشكراً شكراً...

ومافيش تانى اليوم تجديـــــد...

مش هنكَتَّر ولاهنزيـــــــــــد...

إمتى هتسمع إمتى هتخضَع ...

لاجل مايبقى لفح جـَهنّـــــــم ...

بينه وبينك ...صـَرح بعيـــــــد...

وَلَدَك قُل لى وهبة ميــــــــــن ...؟؟؟

ترضى يعيش العُمر حزيـــــن ...؟؟؟

قول أموالك نعمة ميــــــــــن ...؟؟؟؟؟

نظَرَك نَفَـَسك جاىّ منيــــــــن ...؟؟؟؟

حتّى منامَك ويّا مـُقامَــــــك ...

عقلك فكــــرك كـــُلّ عَلامك ...

قلبَك نفسك شَخص كيانك...

كـُل حياتك طول أيامـــــك..؟؟؟؟

ترضى أعيش العـُمر حزين...

نبضى ف قلبى حياته ضنيــن...

بُكره تشاهِد يوم الصَاخـَّه...

يوم الحَشر ويوم الطَامـَّه...

وهتتمنّى تعود.... ساعتيـــــــن...

لاجل ماتكفل مرّه ....يتيـــــــم...

يومها يفِـــــرّ الواد من ابوه ...

حتّى الأخ مايدرى باخـــوه...

حـَقّ حقيق الناس ...عرفوه ...

حـَقـِّى وهاخدُه ف يوم الدين...

أنا متأكِّد عندى يقيــــــــــن...

دنيا ملتها كتير شياطيـــــن...

إمتى يامؤمن ترعى يتيــــم...

وكفايه ذُلُّه وفقرُه سنين...

هـُوَّ يامؤمـن....زىّ اولادك ...

واللا هـَجيـــــــــــــــــــــــن...

أمـَّا قرارك ملك إيديــــــــــك ...

حقِّه عليك تربيته رعايتــه ...

لو يوم واحد تبقى نهايتـــه...

وبإخلاصك طول أيامـــــك...

تبقى ياصاحــــــــــــــــــب .....

هيّه بدايتـــــــــــــــــــــــــه ...

تبقى ياصاحـــــــــــــــــــب... 

هيَّه بدايتــــــــــــــــــــــــه...؟

.................................

تعريف الشاعر / يحيي المصرى