قـصـيــد ة
--------------
حــبـــــــة عـــــشـــــم
---------------------------
للشاعر / محمد عبد الفضيل
---------------------------
أ نا خلاص دمعي إتنسي ...
وشلت فوق الضلعتين
كــومــــة أ ســــي ...
يا خلق قولوا ضميركو فين
ولا أنتوا غاويين وشوشه ...
باصين عليا بألف عين
ولسانكو نازل مصمصه ..
والمحلسه ..
بقت شريعه في صفكوا
بتبيعوا في اللي يحبكوا
وتكنسوه بالمكنسه ....
مشاعركوا ليه متكيسه ..
ووشو كوا باهته متيسه ...
لو كات مشاعري آنسه
كنتوا إتسابقتوا علي الغرام
ورميتوا لي أحلي الكلا م
بس البعيد حظي العنيد
خلاني ذكري مسوسه ....
هكنس حياتي من جديد
وهاغير المود العنيد
وهعدي بختي بخطو تين
وهقوله تــا تـــــا ..
يقولي فـيــن .
وديني روضه .. ومدرسه ..
بدل ملامحي بضحكتين
دي ملامحي مرسومه بعينين
رموشها بايشه .. مهشهشه ....
وأنا لسه عضمه في الحشا
الخلق بره مفرفشه
وأنا الوريد مني بعيد
هربان كما مية نشا ....
نازل صراخي بألف شيب
وكأني عمري بينزلط
طالب من الحظ العجيب
حبة عشم .. لو بالغلط
يلموا عمري اللي إنفرط
ويرجعو ني كام سنه
علشان أحس بالهنا
لو حتي غش ومحلسه ....
--------------
-------------------- شبرا في 23 /3/2016 م --------------------
ليست هناك تعليقات:
إرسال تعليق