بندهك
........
لسايا ليه بندهك؟
لساكى ميت موال؟
لا انا عرفت أكرهك
ولا امسحك م البال
مع أن ذنبى بإيديكى
انتى اللى قاتلانى! !
و مطلعة روحى فيك
و كل ساعه بحال!!
......
هربانه من سكتي؟
مع انى عاشقك موت!!
و هوايا بتسكتى؟
يا حلم عايشه سكوت!!
و القلب بيوحدك
ف العشق جوايا
لو كان بأيدي اعبدك!!
و أقول بعلو الصوت
لسايا ليه بندهك؟
مهما الزمان بيفوت؟
.........
خلصت فيكى الحروف
و هواكى مش خالص! !
و لا غير زمانك بشوف
يوم م الغرام خالص!!
خليكى حلمى البعيد
و كمليه قسوه!
بس ادخلى ف الوريد
و ما تخرجيش خالص!!
ياللى انتى حبك يومين
و انا قلبى له خالص!!
.............
عاطف عبد الحميد
ليست هناك تعليقات:
إرسال تعليق