خواطر ايمان محمد
حبيبى ابعد وانسانى
مش هستناك تانى
ولا انت كمان عدت
هاتعيش عشانى
حلفتلى وعشمتنى
ولعبت على إحساسى
وضحكت عليه وسبتنى
من الحنين أقاسى
وصحيت كل المأسى
وسقتنى مر كاسى
وانا اللى خدتك ليه
من بين الناس ديه
وبقيت أهلى وناسى
فرشتلك وجدانى
وغطيتك بإحساسى
وسقيتك حنانى
وداب معاك كيانى
وعزفتلك دقاتى
أجمل ألحانى
وهديتك كلامى
وبنيت معاك أحلامى
وزرعت جوى خيالى
بستان محبه طرح الأمانى
أتاريك كداب وخدعت أيامى
وزرعت أحزانى وبكيت كيانى
روح الله يسامحك ويسامح أوهامى
اللى بنت قصور من وحى خيالى
مع قلبك يابو قلب حجر
لالالا انت مش م البشر
دا كلامى كان يهز الجبل لو يسمعه الخالى
اتارى قلبك ميت بيحب التسالى
وبكلمه واحده منك عكرت بحر جارى
فكسرتنى يا عمرى أكتر من زمانى
وأتا رى قلبك بايعنى وبايع كل أيامى
روح وابعد وانسانى
معدتش هستنا ك تانى
اميره العذااااااااااااااااااب
ليست هناك تعليقات:
إرسال تعليق