صلاح القناوى
لو بقيت حاكم
..............
لازم فى الأول أخاف وأتقى ربنا مش كلام
من غير لف ولا دوران ولا عيشه فى الأوهام
البلد خيرها كتير وربنا بيها علينا مانن
أقسم بربى لعيشها فى أمن وأمان وسلام
........
راح أعمل وزارة للمظالم
وأطرد من الخدمه كل ظالم
اللى يروح لشغله نايـــــــــم
واللى بيمشى قبل الميعاد بساعات
..........
وأمشى وسط الناس مدارى ومتخبى
وأسمع وأشوف كل شىء عنى متخبى
وأطلع بيان يوصل لكل حرامى وجبان
وهقوله فيه هتجاب ومش هتتساب مهما تخبى
.......
واللى هيتولى مسؤليه هبيقى عنوان للرجوليه
ولو مش قدها يروح يروح ويقعد فى بيته زى الوليه
وهقعد مع الناس وهسمع منهم الأنفاس بلا حراس
وكل واحد فى رعيتى حقه فى رقبتى دين عليا
........
راح أخضر تراب بلدى وأشغل فيها إبن بلدى
وأبنى المصانع والمساكن وكل فرد لازم يكون ساكن
بلا محسوبيه ولا كوسه ولا واسطه ولا حد يتمحك فى جلدى
وكل شىء بأمر الذى يقول للشىء بحرفين إذا شاء كن
.........
وهابنى الكنايس للنصاره إسلامنا مافهوش خساره
واسهل الراحه توصل لكل مواطن اللى طحنته الكساره
وهعمل دوواوين الناس تقول رأيها بكل حريه
يا بشر الحكم مش كلام الحكم أفعال الحكم جداره
...........
وفى شهور قليله معدوده البلد هتفيض زى زمان بالجوده
من قمحها وقطنها وكل خيرها وزرعها وهتكون أحلى عوده
راح تسمع فى كل مكان وهعمل مافى الإمكان علشان نتقدم
كتر الكلام والمطامع والاحلام والكل سامع إمكانياتنا مش محدوده
........
وكلمة ناهيه ع الماشى
كل البشر مروح وماشى
ومهما طال العمر بينا
دوام الحال نهايته مبقاشى
.......
صلاح الصغير القناوى
أه لو بقيت حاكم
ليست هناك تعليقات:
إرسال تعليق