----------الله يسامحك--------------------
وايه يفيد الندم
أصبحت فى حياتكوا رقم
أصبحت ف حياتكوا عدم
جرح يسلمنى لجرح
وألم يسلمنى لألم
موش قادر أبص
واشوف ملامحك
كان أكبر جرح
ف حياتى هوه
جرحك
وموش قادر لسانى
ينطقها ويقول
الله يسامحك
-------------------------
الألم منك مليون ألم
لأنك جوايا ف تكوينى
وجوّاك بيتحرّك قلبى
وشرايينى
بيجرى دمّى
ومعاه بيجرى شوقى
وحنينى
جوّاك أنا
جوّاك يا نن
عينى
------------------------
وليه تالمنى---ليه تظلمنى
ومن سحر عيونك تحرمنى
من صوتك --من كلامك
حتى من أحلامك تحرمنى
وانت ال كنت معايا
وعايش جوايا
و حياتى بتقاسمنى
---------------------------------
الشاعر/عبدالجواد خاطر
ليست هناك تعليقات:
إرسال تعليق