((بحر الدُنيا)).......... تعريف الشاعر /يحيي المصرى

((بحر الدُنيا))

قـُل لّى يابحر الدنيا الهايج ... 

رايح بينا الموج على فين ...

على بـُستان م الورد منَدِّى .....

ولا على وكر من الثعابين ...

.................................

ياما تعبنا يابحر ف مُوجك ....

مش فاهمين رايحين على فين...

ظالم شعب الدُنيا بحالهــــــــا ... 

حَتـَّى الغنى ويـَّا المساكين ...

..................................

إللى بيطمع مرّه ف خَلقُـُه... 

ومن أطماعه الناس فى أنين...

واللى بيقتل لاجل مايكسب...

كرسى وعـُمره يدُوب فى يومين ...

......................................

واللى بيسرق لاجل مايـَحصُل...

على كام شيك م الغربييــــــــن...

واللى ينافق لاجل تعايـــــــــش ...

مع كام حبِّة وصولييــــــــــــــن...

......................................

قـُل لى يابحر الدُنيا الهايج...

رايح بينا الموج على فين ...

واحنا غلابه ف وسط ديابه ...

عايشين همّ وغمّ سنيــــــن...

....................................

فين أحلامنا يابحر الدنيا ...

تاهت صَبَحت وسط كمين...

نفسى أعود من تانى يابحرى ...

جوّه لبطــن الأُمّ جَنيـــــــن ...

..........................

تعريف الشاعر /يحيي المصرى