ياريت تفهم
*******
ياريت تفهم
ولو فاهم متتعبنيش
باقولهالك بكل وضوح
بتشحن كل تفكيرك
عشان تلفت نظر قلبي
ف ليه تحرق
كلام مخلوق عشان غيري
وباسمعلك
وأسكت لما تسألني
سؤال متداري عن حالي
وأرد عليك أقولك إيه
مانا باحكي معاك ياما
وأقول قلبي مبيدقش
تقول فيه ست فالدنيا
مبتحبش
ماردش لكن الصورة
تحركني
أنا مش شايفة غير هوا
ولما بتحيي إحساسي
صحيح باضعف
و ضعفي بيبكي جوايا
على بعده وبتمناه
يقول كلمة على حبي
ولو هاسمعها ميت مرة
مبتكفيش
أنا فاقدة الحدود وياه
عشان عايشاه
بدون ترتيب ولا معنى
ولا كلمة غرام قالها
أنا عشقاه كما عشقك
صحيح حساك شعور صادق
وكان ممكن أفكر فيك
فقربني ماتحلمنيش
دا لو حلمك صبح شفاف
وشفت عنيك بتتنهد
هاكون خسرانة صدقني
ف هدي الموج
متخسرنيش
*******
كلماتي / علاء الدين علي
ليست هناك تعليقات:
إرسال تعليق