صباح الخير ياجماعة ... احب اعرفكم بنفسى بس ماتضحكوش عليا أنا ....
صاحبة ابتسامة
انا دايما صاحبة ابتسامة
ولاعمرى احب الرخامة
والقلب عمران بالأيمان
ومشاعرى كلها حنان
احب الشاى ساعة الصبحية
احب اشربه مع لقمة هنية
وياسلام لو معايا صحبة
عمرى مااحس بغربة
أصل صحبة الأحباب
ينفتح لها ألف باب
وانا ... احب الشعر ع الربابة
وأغنى أغانى الغلابة
أصل أنا منهم وليهم
وياما شفت حب فيهم
أنا اللى دايما قلبى دايب
شوق ومحبة للحبايب
لكن قلبهم عليا قاسى
وشفت كتير منهم مآسى
ودايما بقول يارب
تهدي لى من احب
وتهدى نفسى للطريق
اللى فيه خير الصديق
ياناس دى الدنيا متاهة
من غير الصديق يبقى بلاها
وإسألونى أنا عن الغربة
لما تتغرب وانت جنب الاحبة
بس أنا دايما برجع للإبتسامة
ولاعمرى احب الرخامة
وأحب اسقى الورد
فى الشتا والدنيا برد
وأزين مكتبى بوردة
تكون أوراقها فاردة
أشوف الدنيا جميلة
وأسجد للذات الجليلة
بقلم ..... نهى صفوت ........
ليست هناك تعليقات:
إرسال تعليق