(بتحبها)
بتحبها?
حلمك تقضي عمرك جنبها
حلمك تكون دايما معاك
حلمك تنول يوم حبها
حلمك في يوم انك تطير
تسكن في حضن قلبها
هايم وسارح ع الدوام
ترسم في احلام الغرام
هو انت كنت سألتها?
مين اللي ساكن قلبها?
مين اللي شاغل عقلها?
واقف بعيد تبعت لها
نظره وشايله حبها
يا عم قوم قرب لها
سمّعها نبضك قولها
ان انت شاري ودها
حسسها ويّاك الامان
اعزف لها همس وحنان
ولحن يخطف قلبها
غلبتني من كام سنه
تحلم بايام الهنا
بس شاطر في الكلام
وفي الغُنا
انت اللي حتعيش في الضنا
والذنب ذنبك من زمن
انت حتدفع التمن
كل الكلام اللي مضي
حوار مع قلبي انا
محمود ناصر
ليست هناك تعليقات:
إرسال تعليق