~~~~~~(في حضن الليل)~~~~~~
بقلم/ حسين ابراهيم
ونمت في حضن الليل
وعدي الليل ولا دريتش
جايز عشان شمسك
في برجها العالي
مانزلتش
ورحت في ميعادك
ابص في ساعتي وعدي الوقت
لكن ساعتي مامشيتش
واسألها ليه واقفه
تقولي أمشي إزاي
وهي لسه ما وصلتش؟!؟
وأستني وأقول جايز نسيت!!!
يجي من ورايا صوت
يقولي لاء
مانسيتش
ونقعد ونتكلم وأنا باسمعها بصوت كروان بتتكلم كتير عني
وأقول ياريت ماتسكتش
مأنا بأسمع شدوا الطير
وأسألها كلميني عنك
تقولي عني ماعرفش!!!
عشان نفسي جوايا ما بصيتش
قولي أنت شايف إيه؟؟؟
أقولك إيه
وجمالك ورقتك وحنانك
حاجة ما وصفتش!!!!
تضحك بصوت كروان ..وتقولي
أنا اتأخرت اوم نمشي
الوقت عدي معاك وأنا بيه ما حسيتش!!!!
واوصلها وعند باب بيتها اقف أبصلها
نفسي تقولي ياللي أمشي
وأمشي ازاي وهي عن عيني ماغابتش!!!!
ليست هناك تعليقات:
إرسال تعليق