أنا العبد الفقير لله
.......................
إحب إعرفك بيا
أنا العبد الفقير لله
لو تسمحي إقرء ليك مكتوبي
و إوصف لك مشاعري فيك
و طبعا الرد ف النهاية ليك
بس قبلا ده مش معناه
إني بتحايل ع قلبك و بترجاه
و لا إن ف النهاية فيا تدوبي
إه بقولك لأ
صدقيني بقولها بحق
أنا العبد الفقير لله
مقدرش إوعدك إني ف يوم
هبقي لا قيس و لا عنتر
و لا بشعري فيك إتمختر
أنا حبيت بس إدلك
ع نفسي و ع شخصيتى و ع المفتاح
و بوصفي إكون إقرب
أكيد بتقولي . أكيد مجنون
عندك حق .أنا ع نفسي مستغرب
إزاي ع نفسي بعترف و إقوم كاتب
مش عارف بس أننا حابب
إقولك إني بتشد لك و إننا هويتك
فبحاول إكون صريح مع نفسي
إقصر السكة ع نفسي
و إقولك ع اللي فيا متاح
عمري ما كنت ف يوم جرئ
و لا ل كلام العيون لماح
سامحيني شوية ل صراحتي
خليني شوية ع راحتي
إعتبريني واحد بيقولك كلمتين لله
لا هقولك أنا الفارس لإحلامك
مع إحترامي ل مقامك
و لا هقولك أنا المتيم
و إن فيك قلبي تاه
مع إحتفاظي بإني إقدر
إحقق لك كل شئ يتعاذ
لإن ببساطة اللي يحب بجد
قادر ع فعل المستحيل ف إيجاز
بصراحة الحب ده إنجاز
إن جاز ليا إن إقول إن بينا حب
بس بصراحة كلامي طالع م القلب
بس مش هكدب و إقول قلبي رقيق
أنا قلبي إرق تقدر تقولي قزاز
ف لو إعترافي هيكون سبب كسري
ف قلبي ده حصري
الإلفة ع باب فصلي
مش واقف كده لله
حبيت إقول اللي ف قلبي
و إعترفلك كمان ب حبي
و ف النهاية شئ براحتك
توافقي إو متوافقيش
طبيعي حقك
بس حقي
إعرف رإيك متخبيش
لإن لكل شئ منتهاه
دول كلمتين حبيت إقولهم
جمدت قلبي و قولت إعترف لك
أنا العبد الفقير لله
............................... ف 22 / 3 / 2016
من صفحة الشاعر / شعبان مكي شاعر عامية
ليست هناك تعليقات:
إرسال تعليق