بعافر فيكى ومبتكلمش
يا دنيا ليه بمليـون وش !!
رضيت بزيفك ويا الغش
لحـد الضحكـه متكرمـش
قاومت كتير ومابستحملش
وانتـى برده نفــس الـدنيـا
&&
ضحكت ولا مضحكتش
تعـــبت ولا متعبتــــش
آلامى معـاكى مفرقتش
وفى الآخـر نقـول دنيا
&&
صغيرة السن جواكى
بحس انى عمرى كبير
فى دوامه معاكى بتاخدينى
وتوهت فى زحمة المشاوير
وبحمد ربنا على طول واناجيكى
يمكن فى يوم تحنّى والاقى الخير
تعبتـى الناس جـواكى غنى وفقير
وبرده انتـى هـو انتى نفس الدنيـا
&&
بنظلم فيكى وانتى كمان
بنتهــم فيكــى الأحـزان
بـدّور فيكـى ع الأمــان
يا دنيـا حنّى ع الإنسـان
كفايه قسوه منّك يا دنيا
&&
بشوف وجوه بتتحوّل
واسأل ليه من الأول
وصلنا لدمع مش راضى
يفارقنا ويسيبنا ويستسلـم
اتارى الدمعـه موجـوعه
ونفسهـا من همـومنـا تنزل
وانتى ايوه انتى نفس الدنيا
&&
لا تتألمى ولا تبكى من دموعنا
هنعيشك وهتشوفى اوجاعنا
بفضل الله هتتعدّل احوالنا
ونعيش فيكى يا دنيا
#أميره شقير
ليست هناك تعليقات:
إرسال تعليق