انا شجرة برية
محتاجة ايد بشرية
تمدنى بالحنية
تروى عطش أيام جايه
تلحق فروعى من الدبلان
تنقذ أجيال جايه قدام
انا شجرة برية
محتاجة أحس بالأمان
عشان انمو فى كل زمان
وفروعى تكتر
ورقها أخضر
وتكون ضلة لكل إنسان
انا شجرة برية
انا بيت كل طير
في السما العالية
يغنى ويملى
الدنيا سعادة
وصحبته هنية
انا شجرة برية
محتاجة أعيش بحرية
من غير قيود حديدية
تهد احلامى الوردية
انا شجرة برية
ونفسى أكون كمان ملكة
من غير تاج ولا حاشية
ولا قصور ومال وجاه
يكفينى بس أكون شجرة
وفى نفس الوقت انا ملكة
بقلم.. صباح ضاحى
ليست هناك تعليقات:
إرسال تعليق