الندم وقت السكات
***************
وقفت قدام مرايتى
قولت افتكر زمان
لعبى فى الشارع
وحب الجيران
***************
افتكرت امى لما..!
كنت بغيب بره بيتى
كانت لما تحاسبنى
ازهق وأقول ياامى سبينى
انا بقيت راجل خلاص
***************
كانت دايما تقولى
انت ابنى حته منى
عوزاك تكون فى
البيت ده راجلى
عوزاك تكون انت ضلى
عوزاك تكون انت سندى
*****************
كنت اضحك فى سرى
واقول سبينى ياأمى
اشوف صحابى مستنينى
متضيعيش عليه وقتى
*****************
كانت تقولى محتجاك
محتاجه اسمع صوتك
وقت السكات
****************
كنت اسيبها زى عادتى
واترمى فى حضن القهاوى
وسط صحاب
مايعرفوا غير المصالح
وينسونى فى عز قربى
***************
كان نفسى ارجع
لحضن مليان بالدفا
حضن مليان حنان
حضن ينسى الاساوه
****************
رجعت انده عليها
انتى فين ياأمى ردى
سمعت صوتى مقابلنى
رد عليه وقال لى
اللى انت بتنده عليها
مش حتحضنك عنيها
جريت بسرعه ادور
ماسمعت غير السكات
*****************
مديت ايدى ليها
قولت مدى ايدك ياامى
استنيتها تسامحنى
لقيت دموعى بتجرى
وسمعت صوتها فى ودنى
عمال يقول لى خلاص
اديتك فرصه تعود لى
وانت اختارت طريقك
وطريقك مليان اهات
ابعد عنى وسيبنى
ياما قولت لك محتجاك
*****************
صرخت بعلو صوتى
وقولت لها سامحينى ياامى
سمعت هاتف نده لى
وقال مابينفع الندم
وقت السكات
بقلم الشاعر /ثروت كساب
ليست هناك تعليقات:
إرسال تعليق