( خلف - خلاف )
ماشيه عكس الإتجاه
غاويه تتعبينا
تزودى فينا الأنين
تغيظى آل من دمك
بسيوف الوجع
عماله بتقطعى الشرايين
دايره ودواره
على الكرسى فيه اسمين
امشى مش عايزك
استنى
هناك عايزين
إياك تكون فاكر
أنهم فاهمين
دول رعاع
دول حثاله
بعضهم لا لا أكيد
كلهم متخلفين
تعال جنبى هنا
أنت من السلاطين
سلطان ويقعد ويا الرعاع
يخسارة النياشين
ملهمش فى الطيب نصيب
وآل بالأمس حبيب
قاعد النهاردة
يسن فى السكاكين
بالزمه دى اسمه كلام
ياحمرة الخجل
اراضيكى فين
على كل لون
متشكلين
المصلحه تحكم
وآل كان عاشق يبوس
قصدي الايدين
عاوز النهاردة يكون أمير
آه آه
يا بلد مالهاش أمان
فكرين الباشا بتاع زمان
واللى كان
يخلص أي حاجه
بهدمتين
النهاردة عامل مزاد
هيبيع ويقبض
من وراه ملايين
مهيه ماشيه
خلف خلاف
زى أسمه أيه دى
نستونى أقصد أيه
نستونى حتى نفسى
أنا ابقى مين
اقولكوا حاجه
متقروا الفاتحة
لاخوكوا الميت
يا ميتين
بقلم # الطيب عوض احمد
3/3/2016
ليست هناك تعليقات:
إرسال تعليق