يوم ميلادي
*******
عشان دمي فسد مني
بقيت فاسد وغير صالح
لناس فاليوم دا بتهني
بينسوا إن أنا شاعر
وزرعي بيطرح الإحساس
يهون كام حرف بالدنيا
ف كلمة نفسي أسمعها
بتوصفني
مانا طيب
وليه الطيبة تجرحني
بصعب النفس والكسرة
وقال عيدي
وقع من عام
كما الشدة مبيبانشي لكن موجود
ف ليه دايما يحطوني مع الساكن؟
وأنا للهم أسطورة ف التسكين
طمعت في همي وزعته على حالي
ونفسي أستغنى يوم واحد
وأفلس من هموم عيشة
وأعيش اليوم دا بس سعيد
بعين ضحكتها دي تثبت متخلصشي
وبختي أطوي يوم عيدي
بخيط القز والتوتة
حرير ناعم و لاكنه
بيقصد يخنق الفرحة
ف عرق الدم والشريان
*******
نبض / علاء الدين علي
ليست هناك تعليقات:
إرسال تعليق