.هاتى فرعون
...............................
كسرى ودمرى وماترحمناش
لسه باقى فينا ولسه ماتعبناش
خدى كل اللى تعوزيه مننا
عندك الغالى وليك الغالى بلاش
........
وأنا يا مصر عاشق نسيم العصر
دوسى براحتك مستحملين العصر
إلغى من حياتنا شىء إسمه حلمنا
أكيد هيجى اليسر بعد طول العسر
.....
مواطن رخيص فى الأصل مالوش تمن
قدر ونصيب وقسمه من عجايب الزمن
بقيناعبره ومثل يامصر فى ضعفنا
والضعف فى كل شىء مرار الوهن
....
وهاتى فرعون وهاتى معاه هامان
الحق هيصحى بعد أما كان نعسان
مافيش غيرك وزيك مفرق شملنا
هوينا التعب فيك والله وحشنا الأمان
....
بس هقولك وبصراحه حبتين
الناس ماهيش مرتاحه وشقيانين
خايف لينسوا حكاية إنت أمنا
خايف قلوبهم تنشق بالسكاكين
........
حاجه غريبه لسانا بنحبك
والأغرب من كده قلبك
كاره يضمنا وكاره حبنا
الشكوى بس طريقها لربنا
.....
مواطن مالوش لازمه
صلاح القناوى
ليست هناك تعليقات:
إرسال تعليق