~~~~"بورسعيد"~~~~
~~~~~~~~~~~~~~
جه ف بالى سؤال يحير
هي بطولة اهلها وراثه
لسه يدوب شباب صغير
لكنه محتاج مية دراسه
عدوها دك البيوت
صب غضبه ع الشوارع
والزهور حلفت تموت
تنشق بين كل الموانع
الشظايا جات ف راسه
بص ف ايديهم اسير
احكي قول كل حاجه
من غير عين راح تصير
وصوت الاسد مهران
تحيا بلادي وشعبها
عيني فدي الاوطان
واموت ورحي تضمها
وادي مشاهد مجدها
الاخ مات قدام عنيه
والحسره صعبه وذلها
طاره وناره بين ايديه
عسران جعان والسنوتش
محشي شراسه و قنبله
ويليامر يدوب شاف وش
والرميه رميت معلمه
مور هاوس صابه الجنون
تفتيش مفيش يعني ايه
اضرب وموت والسجون
املاها يلا مقاومه ليه
والكمين محكم وراكز
حواطه من كل الجهات
كتف الغدر اللى عاكس
غل غرب و حكايات
بقلم مصطفي احمد
مشاهد من حكايات المقاومه
اثناء العدوان الثلاثي
تحيه للبطل محمد مهران
وتحيه للبطل السيد عسران
وتحيه لشعب بورسعيد الابطال
ليست هناك تعليقات:
إرسال تعليق