ابص لصورتي ف مرايا
اتاري الصوره مش ليا
فبهرب مني ف روايه
بلاقي حروفي منسيه
فبتعشم ف قصة حب
أقول يمكن تريحني
ألاقي عيوني مسجونه
بترسم وصفي تمنحني
ملامح طفل بيعاتب
ومش لاقي طريق لهروب
كأني حبسته جوايا
ف سطر الذل وسط ذنوب
يبص بعينه بالمقلوب يخاصمني
ومش عايز يجاوبني
بنظرة عين يحاسبني
ويزرع حيره جوايا
أنا ناقص
ومش عايز عتاب خالص
وبزياده خلاص الجرح
ومش عايز طريق للفرح
كفايه عليك تأنبني
خلاص سيبني
لحضن الصمت ف مرايا هتتكسر
سنيني حروفها ف روايه وما تأثر
حكاية خوفي من نفسي
ومن أسمي ولا مره هتتفسر
سبوني لحضني مع نفسي
وهحضن روحي جوايا
وداوي ضلها المحني
أبص لصورتي ف مرايا
بتفضحني
أتاري الصوره مش ليا.......
#محمد_تيكو
ليست هناك تعليقات:
إرسال تعليق