بقلمى يوسف ونيس مجلع ايطاليا بريشيا
اصدقائى الاحباء كلمة بالعامية فى تاملات الجمعة العظيمة بعنوان حنانك وحبك
حنانك وحبك دول قد ايه ------------ مكانش ذنبك وحاسبت عليه
هوانك وجلدك سمحت بيه --------- وجلالك فى صمتك ماقلت ليه
------------------------------------------------------------------------
اللى هانك ولطمك غفرت ليه ---- وحتى اللى نكرك برضه شاريه
بصبرك وجلدك والمر فيه -------------- تممت وعدك لادم وبنيه
-------------------------------------------------------------------------
ناديت بالخير المحتاج تديه -------- شافيت الضرير وشاف بعنيه
طريح السرير مشى برجليه ------ واسير الشرير حررته من اديه
-------------------------------------------------------------------------
ملك الملكوت خلا سماه ---------- فى وداعة وسكوت وطول اناه
عبرت الصلبوت زى الجناه ---------- وذقت الموت وانت الحياه
-------------------------------------------------------------------------
الشمس غابت كساها السحاب -- ورحمتك ذادت وكسرت الحجاب
ونعمتك فاضت وبقينا احباب --------- ومبقاش بينا سور ولا باب
--------------------------------------------------------------------------
علمتنا ازاى تهون الجراح ------------ فهمتنا ازاى يكون السماح
نولتنا ابوتك وحضنك البراح -------- وهبتنا بقيامتك خلود الافراح
بقلمى يوسف ونيس مجلع
ليست هناك تعليقات:
إرسال تعليق