حنين
ولسانى بحن اليك
وأحن كمان لجدرانك
هنا صليت هنا غنيت
غناوى كتير على بابك
هنا عنبايه مزروعه
ماليها الشوك بتجرحنى
هنا ارضى اللى بازرعها
وهنا جارتى بتلمحنى
وهنا بسمه بتتدارى
بشوفها والجبين محنى
وأنا بازرع ورود الشوق
وباهديها لأحبابى
هنا واقف على بابى
وبأتكلم مع صاحبى
تعدى الحلوه بضفاير
اغمض عينى وادّارى
ورا خجلى
واقول بكره هكلمها
اكيد لازم افهمها
انا المدبوح قصاد عينها
وعينها اللى دبحانى
انا اللى كتير باغنيلها
ولا مره بتسمعنى
وهنا جاره تغازلنى
تقولى عنيك تلاحقنى
وانا راحه وانا جايه
وانا مكسوف أرد بأيه
دانا عمرى ما اكون ليكى
لأنى عشقتها هى
دى أجمل من بنات الحور
فى عز الليل
يبات قلبى يناديها
يبات فكرى يناجيها
تبات عينى بتتلمس خطاويها
واقول بكره تكون ليا
واكون ليها
وبكره الجاى مبيجيشى
ولو مره
نشف ريقى يا بنت الناس
وانا الحارس على الميه
منصور عبد المقصود
ليست هناك تعليقات:
إرسال تعليق