ليه في ليل الشتا
شايف القمر زعلان!!!
تايه مابين السحاب
خايف بردان''''
أنا قلت له ياقمر
هات خدك اطبع عليه بوسة
وطل عليه بنورك تفرح
وأصبح أنا كمان فرحان...
لقيته انكسف
ودفن وشه في صدري
في صدري حس بدفا
وأنا كمان دفيان...
سمع دق قلبي
جرس وأدان
فرح
حس مع قلبي بأمان
اااه ياقمر
لويوم تغيب عني
أو من طله تحرمني
أحس كأني غريب بلا اوطان..
طب بس طمني
انك هتكون قريب مني
وبلاش تبتعد عني
وتسيبني وحيد حيران...
ليست هناك تعليقات:
إرسال تعليق