عمال تخاصم واصلحك
مش لاقى سكه تريحك
لو حالى كدا يناسب هواك
تعالى وانا آجى مطرحك
عمال بتشكى للعوازل
واللى طالع واللى نازل
لو شايفنى مش مستواك
بلاش نكتر فى المهازل
رضيت معاك دايما بحالى
تنام وانا اسهر الليالى
ازعل واتمنى رضاك
وقلبك تملى لا يبالى
معاك حلاوة الحب مره
غيره وشجن وهلم جره
كفايه اللى أنا شفتو معاك
خلينى بقى أفكر فى بكره
سيبنى وروح لحد تانى
يرضى بطبعك الأنانى
شوف مين اللى يرضى بجفاك
مين يضيع عمره ف أمانى
ليست هناك تعليقات:
إرسال تعليق