.... عندك انتي الحياه......
يطلع القمر والليل يسهر معاه
وأنا وانتي حب زمانه عنا تاه
كان هنا وكان لنا وليله يضمنا
حكاية حب كانت الله عليها الله
........
نظرة عينيكي ولمسة ايديكي
وضمة مني تقول اني شاريكي
وتوهة تاخدني ليكي وفيكي
وتفتح عينيكي عيشني الحياه
........
من بحر طالع وبشالك تضميني
تعالي ياعمري أشيلك ف عيني
تعالي أضمك في حضن سنيني
تعالي ياعمري خد عمري لمنتهاه
........
وننسي الناس وننسي كل البشر
وف عز النهار نلقي ف سمانا قمر
والشط لينا لوحدينا تاهوا البشر
وأنا وانتي حكاية فيها الفكر تاه
.......
ياشط افلاطون كنا زمان هنا
كنت الهوي وشاهد علي حبنا
كنا الحياه وجنتك هي أرضنا
حبيبن لما تشوفهم تحب الحياه
........
ولسة يااسكندرية واخدة قلوبنا
ولسة عندك أحلي سنين حياتنا
يابسمة عمرنا ياشايلة ذكرياتنا
فيكي شئ مننا ما عمره عنا تاه
......
نكبر ويشيب الزمن ويعدي عمرنا
وأول حب يفضل ما يفارق قلبنا
وتفضلي حبيبتي ويفضل حبك هنا
ومهما بعدتي تفضل عندك الحياه
.................................................أيمن بلال
ليست هناك تعليقات:
إرسال تعليق