عينى عليك يا مصرى
مبتلحقش يوم تفرح
واللى تفتكره جاى يجمع
تلاقيه جايلنا يطرح
ملكشى فى الطيب نصيب
ولا ليك فى الهنا مطرح
هتفرط عشان تاكل
هتبيع وتتفسح
هتفكرنا بعواد
هترقص على المسرح
هتسيب أرضنا وتمشى
فاكر إنك كدا تفلح
هقولك إيه... منا زيك
كان نفسى الزهر يتفتح
الأرض عرض يا ولدى
والبايع عمره ما بينجح
احسنلك تبات جعان
ولا أرضك فى البلاد تسرح
لو مش خايف على شعورك
كنت اقولك كلام يجرح
ليست هناك تعليقات:
إرسال تعليق