رباعيات عاشق
يا حاسدين القلب علي دقته
يا لايمين النبض ومحبته
هو حرام يعشق ياناس ويحن
حالكم يجن. خللوه يشوف دنيته
عاش في فضا عمره مضى منه
ولا حد منكم يوم جاله سأل عنه
لما لقيله وليف جايين خلاص تلوموه
امانه بس فوتوه. فكّوا القيود عنه
سيبوه يعيش اليوم احسن يموت الغد
سيبوه دا كان محروم مش لاقي قلب بجد
يسكن معاه يدوق هواه ويحس بيه
وفيها ايه. لما قدر يهد السد
وعجبي
⊙⊙⊙⊙⊙⊙⊙⊙⊙⊙⊙⊙⊙⊙⊙⊙⊙⊙⊙⊙⊙⊙
محمود ناصر
ليست هناك تعليقات:
إرسال تعليق