لحد م يقلبوا الصفحة
تكون الصفحة
مقريه
و حد م يفهموا الصوره
تكون مهزوزه
مش هي
سفينة نوح
و أهي ماشيه
بكل أمان معديه
و ايه يعني شوية موج
سفينتي صلبه
و عفيه
تهب الريح تقويها
يمر العمر
فصبيه
و كام مشيت علي
الأشواك
فكيف تتعب
من الميه؟
يا حلم-حلمته يتحقق
اقوم الصبح يا حبيبتي
ألاقكي الشمس
حاضناكي
و الاقي الناس
سواسيه
لا انا طمعان
ف خلاخيلك
و لا اشرب ميه
من نيلك
أنا آخري أغنيلك
و حلمي تسمعي ليه
كتبتك شعر
م رضيتي
رسمتك صمت
ب سكوتي
بكيتك دمع حنيتي
و باقي عندي أغنيه
حبيبتي و انت ناسياني
حبيبتي و انت فاكراني
حبيبتي و انت انسانه
حبيبتي و انت
جنيه
أنا ف حبك أناني
موت
فكوني كمان
أنانيه
عشقت الكحل
ف عيونك
فحبي الحزن
ف عنيه
يا ست الحسن
عاشقينك
دمانا
من شرايينك
و لو من غيرك الدنيا
ففيها حاجه
منسيه
سيد عبد العليم
ليست هناك تعليقات:
إرسال تعليق