اكتب كلامك يا قلم
قول أد ايه فينا الألم
احكى ع اللى نسى عهدنا
سطر حروف كلمة ظلم
وضح أد إيه كان حبنا
ساكن صدورنا وقلبنا
وأد إيه كان العشم
اشهد عليه وقول انو خان
نسى اللى بينا واللى كان
كان عش هادى وانهدم
قول إنى عرفتو الطريق
قول انو كان خل وصديق
مديتلو يدى وكان غريق
وفلحظه صار كلو عدم
اكتب وخليه يقرا الكلام
قوله اللى صار منك حرام
نسيت كلامك والغرام
وعيش وملح وصحبه ودم
حبر دا وللا دموع
خارجه من جوا الضلوع
نازله بتطفى الشموع
بتقول كلام كلو حكم
منير خاطر
ليست هناك تعليقات:
إرسال تعليق