طب ومالو
.............
طب ومالو
لما عنك تبعديني
لما كل ميعاد مابينا
تسكتى ما تكلميني
طب ومالو
لما أنادي بأعلىَ صوتي
تبقيِ شارده ماتسمعينى
ولا حتى نظره منك بتواسينى
طب ومالو
لما تنسيني وتنسي اللى كان
وتهجري حبنا وتضيعي العنوان
وتسيبيني فى دنيتي من غير أمان
طب ومالو
لما كل لحظه حلمت بيكِ
تضيعيها وتضيعيني من إيديكِ
وحب قلبي هتخسريه وتخسرينى
طب ومالو
يوم مامشينا طريق العشاق
وحلفنا عمرنا ما هنعرف فراق
وحبنا اللى كان مابينا طلع نفاق
وكدبه عيشتها عمري وسنيني
طب ومالو
لما تفكري يوم تبيعيني
صدقيني في قلوب هتشتريني
أيوه في قلوب حاسه حنيني
طب ومالو
....
صلاح القناوى
ليست هناك تعليقات:
إرسال تعليق