امى مصر
باحبها وباغنيلها
زى العسل مياه نيلها
ابوس ترابها واحضنها
امى وعروستى فى ضفايرها
والخير معاها ومنورها
ام الحضارة ومركزها
اعشق هواها والوانها
ام الدنيا امى مصر
لفيت فى مدنها وشوارعها
عينى على سحرها وعظمتها
زى ما اكرمتنى انا باشكرها
انا رهن اشارة من صوابعها
نبع الحنان فى عواطفها
هى الامان فى دواليبها
ام الدنيا امى يامصر
والبسمة بتشرق على جبينها
نعم الام يامصر وانا خدامها
باطلب عروسة من ملامحها
مااحلى العيشه على شواطئها
احلى النسيم فى عبيرها
امى يامصر
اصل الحضارة فى معابدها
شموخ وعراقة اهرامها
ونور العلم فى مدارسها
هدى ورحمة فى ديانتها
منارة العلم فى ازهرها
فخر الرجولة فى اولادها
امى مصر
والخير والبركة فى مزارعها
تقدم والفن فى مصانعها
تاسر قلوب اللى يزورها
واقفة وشامخة زى نخيلها
شوف ورودها وازهرها
مسك وعنبر فى عبيرها
كل الطيبة فى تسامحها
نورالاسلام يبقى دينها
الشاعر محمد صبحى ابن النيل
ليست هناك تعليقات:
إرسال تعليق