ملحمه عاشق
بقلم أحمد هلال
ـــــــــــــــــــ
يامو الرموش جارحين والعين بتتكلم
والحسن فيكِ آيـــه للبدر بيعلم
والخد زى القمر لونه جميل وردى
والبسمه من شفتك تحكى وبتسلم
صياد بــ سهم الهوى بتصيب ولا تعلم
ــــــــــــ
ياللي شغلتى العيون من جمال قدِك
فارده قلوع الهوى يا حلوة من أدِك
إرخى الدلال حبه دوبتنى محبه
والله ما أنــــــا أدِك
ــــــــــــ
ياللي أنتِ شالِك قطيفه بـ لون جميل بُنى
تاعبه الجُليب معاكِ إمتى بقى تحنى
بنظرة فيها الرضا م الرمش والنني
أنا عمرى يوم ما إتغلبت دا أنا كنت واد جنى
صيدتى فؤداى بعيونك والعشق جنني
ــــــــــــــ
يامو العيون الكحيله ومن فوقيهم سور
حاجبين كــ لفة هلال جوة الفلك بيدور
هشغل لصدرك عقد بالولى والبنور
وأعدى ليكِ الصعب وأعبر بحور وبحور
علشان أنول الرضا وأبقى فـــــ هنا وسرور
ـــــــــــــــــــ
هفضل فــــــ قلبك أنا لو مهما بعدوكى
وأشهر سيوف عشق لو قالوا حاربوكى
وأزرع عشانك ورد وأحصد أنا شوكى
طب بس إيه السبب رفضنى ليه أبوكى
عنك ما هبعد يوم لو حتى حبسوكى
ـــــــــــــــ
بقلمى ( أحمـــد هلال )
ليست هناك تعليقات:
إرسال تعليق