هيله هيله هيله
دنيتنا ياناس حلوه
دنيا جميله
هيله هيله هيله
ياللا معانا ع الغنوه
غنوتنا احنا الشغيله
هيله هيله هيله
ربنا بيدينا الصحه
وزياده علي قد الجهد
والعمل بيملانا بالفرحه
ويلبي لينا الوعد
هيله هيله هيله
نحمد ربنا ونبوس ايدينا
ان احنا نقوم والصحه تاج
علي راسنا
ونشكر فضله يزيد ويعطينا
الرزق من عنده والعمل لينا علاج
لاانفوسنا
هيله هيله هيله
ارفع فاسي........ازرع ارضي
ارضي ناسي ...ونفسي ترضي
اشد الحبل.......ادف يا مركبي
علي دق الطبل..موالك عجبني
هيله هيله هيله
جد بجد يا صنيعي
يا بايع الورد
يا باني الكبري
الكسل عمره ماكان طبعي
وفي عز البرد
ربنا يعيني بصبري
هيله هيله هيله
حمل حمال الحمل علي اكتافي
علي قد الحال والرزق الحمد لله كافي
ما بمدش ايدي واقول اعطيني
شغلي بيكفيني عرقي بيحمبني
هيله هيله هيله
ما همديش ايدي غير لك يارب
طالب رضاك والصحه تاج
ويكفيني انام بين اولادي بالحب
ستراني سماك والبي نداك
يارب يارب يارب
هيله هيله هيله
العرق سايل ع الجبين والخد
ولا مره قايل دا حمل فوق الحد
راضي وشايل ورضايا رضاك يارب
رضاك يارب ..رضاك يارب
محمد لطفي ابو الفتوح
ليست هناك تعليقات:
إرسال تعليق